இந்தியா என்ன நினைக்கிறது என்பதை விட வேறு எதுவும் எனக்கு முக்கியமில்லை. நான் விடுதலைப் புலிகளுக்கு எதிராக முன்னெடுத்த போராட்டம் இந்தியாவின் போராட்டமே. எமது இராணுவ வெற்றிக்காக தமிழ்நாட்டுத் தலைவர்கள் பலர் என்னைப் பாராட் டியுள்ளனர். இந்தியாவில் இருந்து வெளிவரும் "தவீக் " சஞ் சிகைக்கு வழங்கிய பேட்டியில் ஜனாதிபதி மஹிந்த ராஜபக்ச மேற்கண்ட வாறு கூறினார்.

இந்திய இலங்கை உடன்படிக்கை மூல மாக அரசமைப்புக்கான 13 ஆவது திருத் தம் உருவானது. இதன் அடிப்படையில் உள்நாட்டில் தீர்மானிக்கப்பட்ட அணுகுமுறை இந்தியாவின் நிலைப்பாட்டையும் கவனத்தில் எடுக்கின்றது; கருத்தில் கொள்கின்றது. இலங்கையின் ஒவ்வொரு நபரினதும் கருத்தையும் ஆராய்ந்த பின்னரே இம்முறை அரசியல் தீர்வு முன்வைக்கப்படும்.

அரசியல் தீர்வின் உள்ளடக்கத்தை நாங்களே தீர்மானிப்போம்சமாதானம் என்பது இலங்கையின் நன்மை குறித்த விடயம் என்பதால் அரசியல் தீர்வின் உள்ளடக்கம் குறித்து நாங்களே ஆராய்ந்து தீர்மானிப்போம். தென்னாசியாவின் பயங்கரவாதத்துக்கு எதிரான போரில் ஒரு பகுதியையே நான் முன்னெடுத்துள்ளேன். விடுதலைப் புலிகளை இராணுவ ரீதியாகத் தோற்கடித்ததன் மூலம் நான் இந்தியாவின் சார்பில் யுத்தத்தை முன்னெடுத்துள்ளேன்.

என்னுடைய வெற்றியும் சோனியாவின் வெற்றியும் ஒரே தருணத்தில்....

இந்தியா என்ன நினைக்கின்றது என்பதை விட எனக்கு வேறு எதுவும் முக்கியமில்லை. என்னுடைய வெற்றியும் சோனியா காந்தியின் வெற்றியும் ஒரே தருணத்தில் நிகழ்ந்தன. அவர் தேர்தலில் வெற்றிபெற்றதைப் பாராட்டி அவருக்கு நான் கடிதம் எழுதியுள்ளேன். இந்த யுத்தத்தில் இந்தியாவின் தார்மீக ஆதரவு முக்கியம்.

யுத்த வெற்றிக்காக தமிழ்நாட்டுத் தலைவர்கள் பலர் என்னைப் பாராட்டினார்கள். தமிழ்நாட்டுத் தேர்தலில் விடுதலைப் புலிகளின் ஆதரவாளர்களுக்கு என்ன நடந்தது என்பதைப் பாருங்கள். அவர்கள் அனைவரும் முழுமையாகத் தோற்கடிக்கப்பட்டார்கள். தமிழ்நாட்டு மக்கள் இவர்களுக்குத் தகுந்த பதிலை வழங்கியுள்ளனர் என்றார்.

விடுதலைப் புலிகள் தலைமை தண்டிக்கப்பட வேண்டியதே. அது இன்று தண்டிக்கப்பட்டு விட்டது. ஆனால், விடுதலைப் புலிகளின் உறுப்பினர்கள் அப்பாவிப் பெற்றோர்களது பிள்ளைகள். ஆகவே, அவர்கள் மன்னிக்கப்பட வேண்டும்.

இவ்வாறு ஈழ மக்கள் ஜனநாயகக் கட்சியின் செயலாள ரும் சமூக சேவைகள் அமைச்சருமான டக்ளஸ் தேவானந்தா தெரிவித்துள்ளார்.வவுனியாவில் வைத்து தமிழ், சிங்கள ஊடகவியலாளர் கள் மத்தியில் கருத்துத் தெரிவித்த போதே அவர் மேற்கண்ட வாறு தெரிவித்தார். மேலும் அவர் அங்கு கூறியவை வருமாறு...

வன்னியிலிருந்து இடம்பெயர்ந்த நிலையில், தற்போது தற்காலிக நிவாரணக் கிராமங்களில் தங்கியிருப்பவர்கள் 6 மாத காலத்திற்குள் மீள் குடியேற்றப்பட வேண்டும்.இடம்பெயர்ந்த நிலையில், வவுனியாவில் தங்கியிருக்கும் மக்களுக்கு உதவுவதற்காக கொழும்பு வர்த்தகப் பெருமக்களுடன் இணைந்து வன்னி மக்கள் மேம்பாட்டு நிதியம் என்ற பெயரில் உருவாக்கப்பட்டுள்ள அமைப்பின் மூலமும், மகேஸ்வரி நிதியதின் மூலமும், பல்வேறு வர்த்தக நிறுவனங்கள், சமய மற்றும் பொது அமைப்புகள், தனிப்பட்ட நபர்கள் மூலமும் சுமார் 5 கோடி ரூபா பெறுமதியான உதவிப் பொருட்கள் இம்மக்கள் மத்தியில் கையளிக்கப்படவுள்ளன.

யாழ். மாநகர சபைக்கும், வவுனியா நகர சபைக்கும் என அறிவிக்கப்பட்டுள்ள தேர்தல்களில் போட்டியிடுவது குறித்து தற்போது கட்சிக்குள் ஆராயப்பட்டு வருகிறது. இதற்கு முன் எமக்கான நிலைமைகளை நாம் சரிவரப் பயன்படுத்தாமையினால் எமது மக்கள் இன்று இந்த நிலைமைக்குத் தள்ளப்பட்டுள்ளனர்.எனவே, இந்த நிலையில் பல கோணங்களில் நன்றாக ஆராய்ந்து பார்த்தே நாம் ஒரு முடிவுக்கு வரவேண்டியுள்ளது.

அத்துடன், இதுவரை காலமும் தமிழ் மக்கள் முன் வன்முறை சார்ந்த வழி என்றும் ஜனநாயக வழி என்றும் இரு வழிமுறைகள் வந்தன. ஆனால், இப்போது வன்முறை வழி அழிந்து ஜனநாயக வழிமுறை மட்டுமே மக்கள் முன் இருக்கிறது என்றார்.

ஐ.நா. மனித உரிமை கவுன்ஸிலில் முதல் முறையாக நேற்று இடம்பெற்ற இலங்கை குறித்த விசேட அமர்வை இந்தியா, சீனா, ரஷ்யா, பாகிஸ்தான் போன்ற நாடுகளின் வலுவான ஆதரவுடன் இலங்கை அரசு எதிர்கொண்டுள்ளது.

மேலும் இலங்கை தொடர்பான ஐரோப் பிய ஒன்றியத்தின் பிரேரணையை எதிர் கொள்ளும் விதத்தில் இலங்கை அரசு தனது பிரேரணையொன்றையும் அங்கு முன்வைத்துள்ளது.இதேவேளை, ஜெனிவாவில் இடம்பெற்ற ஆரம்பக் கட்டக் கூட்டத்தில் இந்தியா, பாகிஸ்தான் உட்பட பல நாடுகள் இலங்கை அரசுக்கு ஆதரவு தரும் விதத் தில் மேற்படி இந்த அமர்வு கைவிடப்பட வேண்டுமென கோரியுள்ளன.

இந்தக் கோரிக்கை நிராகரிக்கப்பட்டதைத் தொடர்ந்து இந்தியா ஆரம்ப கூட்டத்திலிருந்து வெளிநடப்பு செய்துள்ளது.இது தொடர்பாக "த டைம்ஸ்" மேலும் தெரிவித்துள்ளவை வருமாறு:

ஜெனிவாவில் நடைபெற்ற ஆரம்பக்கட்டக் கூட்டத்தில் கடும் மோதல் போக்கு தென்பட்டதாகவும், வாக்குவாதங்கள் இடம்பெற்றன எனவும் தெரிவித்துள்ள பார்வையாளர்கள் 47 நாடுகளைக்கொண்ட மனித உரிமை கவுன்ஸில் இலங்கை விவகாரத்தையொட்டி கடுமையாக பிளவுபட்டுள்ளது எனவும்சுட்டிக்காட்டியுள்ளனர்.

ஐரோப்பிய ஒன்றியத்தின் பிரேரணைக்கு 18 நாடுகள் ஆதரவளித்துள்ள அதேவேளை, 18 நாடுகள் இதனை எதிர்க்கின்றன. ஒன்பது நாடுகள் இன்னமும் இது குறித்துத் தீர்மானிக்காத நிலை காணப்படுகின்றன.

இலங்கை குறித்த விசேட அமர்வு, மனித உரிமை கவுன்ஸில் ஸ்தாபிக்கப்பட்டதன் அடிப்படை நோக்கம் நிறைவேறுகின்றதா என்பதை பரிசோதிக்கும் களமாக அமையும் எனசுட்டிக்காட்டப்படுகின்றது.மனித உரிமை கவுன்ஸில் தன்மீது திணிக்கப்பட்ட காஸா குறித்த விசாரணையை ஏற்றுக்கொண்டது என்பதைசுட்டிக்காட்டியுள்ள ஆய்வாளர்கள் இலங்கை குறித்து முழுமையான விவாதம் இடம்பெறாமல் தவிர்ப்பது குறித்து கடும் சீற்றம் வெளியிட்டுள்ளனர்.

ஐரோப்பிய ஒன்றியம் முன்வைத்துள்ள பிரேரணையில் இலங்கை விடயத்தையொட்டி சர்வதேச விசாரணை ஒன்று நடத்தப்படவேண்டும் என்பது குறித்து ஏதும் தெரிவிக்கப்படாதது குறித்து ஏற்கனவே மனித உரிமை அமைப்புகள் கடும் சீற்றம் வெளியிட்டுள்ளன.

இதேவேளை, தனது 14 சகாக்களுடன் இணைந்து இலங்கை முன்வைத்துள்ள மாற்றுப் பிரேரணையில் இலங்கை அரசின் நடவடிக்கைகள் பாராட்டப்பட்டுள்ளன. சர்வதேச சமூகம் மேலும் நிதியுதவியை இலங்கைக்கு வழங்க வேண்டுமென்ற கோரிக்கையும் அதில் இடம்பெற்றுள்ளது.ஜெனிவாவில் இடம்பெற்ற முன்னோடிக் கூட்டத்தில் இரு நிகழ்ச்சி நிரலிற்கும் மத்தியில் கடுமையான மோதல் காணப்பட்டுள்ளது.

இந்தியா, பாகிஸ்தான், மலேஷியா போன்ற நாடுகள் இலங்கை குறித்த விசேட அமர்வை கைவிடவேண்டுமென கோரியுள்ளன.இந்த வேண்டுகோள் நிராகரிக்கப்பட்டதைத் தொடர்ந்து இதற்கு எதிர்ப்புத் தெரிவித்து இந்தியா,சீனா, எகிப்து ஆகிய நாடுகள் வெளிநடப்புச் செய்தன.

விடுதலைப் புலிகளுக்கு எதிரான நடவடிக்கைக்கு ஆயுதங்களை வழங்கிய உதவிய பல நாடுகளில் வலுவான ஆதரவுடன் இலங்கை இந்த விசேட அமர்வை எதிர்கொண்டுள்ளது எனக் கூறப்படுகிறது.